سولیِ خواہش

سولیِ خواہش

آج وہ راز کھلا، جس کو چھپایا تھا بہت،
دل نے جس درد کو برسوں سے دبایا تھا بہت،
آج اک ضرب لگی، دل پہ قیامت سی ہوئی،
خامشی ٹوٹ گئی، آنکھ بھی نمناک ہوئی۔

کل تلک دل کو یہی کہہ کے بہلاتا تھا میں،
شاید وہ میری نہیں، پھر بھی اسے چاہتا تھا میں،
شاید اک وقتِ انتظار ابھی باقی ہو،
شاید اس خواب کی تعبیر ابھی باقی ہو۔

میں نے تقدیر کے فیصلے پہ صبر کر رکھا تھا،
اپنی خواہش کو بھی خاموش سا کر رکھا تھا،
دل کے آنگن میں مگر ایک تصور تھا ابھی،
اس کے آنے کی کوئی نرم سی امید تھی ابھی۔

پھر اچانک یہ خبر دل پہ بجلی بن کر،
آئی—وہ اور کسی کے نام سے جڑنے لگی،
جس کو سوچا تھا کبھی رنگِ وصال آئے گا،
آج وہ خواب کسی اور کی ہونے لگی۔

ایک ہی لمحے میں سب خواب بکھرنے لگے،
دل کے خاموش دریچے بھی سسکنے لگے،
جو خیالوں کی کسی گلی میں ٹھہرا تھا کبھی،
آج وہ نقش بھی آنکھوں سے اترنے لگے۔

اب نہ چاہوں بھی تو اس کو بھولنا ہوگا مجھے،
دل کے ہاتھوں سے اسے چھوڑنا ہوگا مجھے،
جس کو قسمت نے کبھی میرا ہونے نہ دیا،
اس کی یادوں کو بھی خاموش کرنا ہوگا مجھے۔

میں نے ظاہر کے فیصلے کو قبول کر لیا،
اپنی باطن کی دعاؤں کو مگر دل میں رکھا،
میں نے چاہا تھا اسے—یہ بھی حقیقت ہے مگر،
اپنی چاہت کو کسی حق پہ مسلط نہ کیا۔

میرا فیصلہ بھی اسے میری طرف لا نہ سکا،
میری خاموش دعا بھی اسے میرا کر نہ سکی،
ایک خواہش تھی جو دل میں تھی سنبھالی ہوئی،
وہ کسی اور کی خواہش کی سولی چڑھ گئی۔

کاش اک وقت ملا ہوتا، فقط بات ہوئی ہوتی،
کاش اس انتظار کی کوئی تعبیر ہوئی ہوتی،
کاش کوئی دل کی صدا سن لیتا ذرا،
کاش دو دل کے بیچ دیوار نہ کھڑی ہوتی۔

نسل، نسبت، وہ تعصب، وہ برادری کی حدیں،
کتنے معصوم ارادوں کی یہ قاتل نکلیں (نکلی ہیں)،
دو دلوں کے درمیان جب یہ حصار آ جائے،
پھر محبت بھی دعا بن کے فقط رہ جائے۔

آج وہ دور ہے، میں دور سہی، یاد مگر
دل کے ویران دریچوں میں ابھی زندہ ہے،
وصال ممکن نہ سہی، اس کی خوشی ہو یا خدا،
میری چاہت میں اب اس کے لیے کیا ہی ہے۔
(میری چاہت میں ابھی اس کے لیے زندہ ہے۔)

اب میں تقدیر سے لڑنے کی تمنا بھی نہیں،
اس کے ملنے کی کوئی ضد، کوئی شکوہ بھی نہیں،
بس یہی درد ہے—جو دل میں رہے گا شاید،
اس کے ہونے کی خوشی میں بھی مرا حصہ نہ سہی۔

میں نے چاہا تھا کہ وہ میرے نصیبوں میں رہے،
میرے آنگن میں کبھی رنگِ محبت بھی بھرے،
پر مقدر نے کوئی اور کہانی لکھی،
اور میری آنکھ نے خاموشی سے ہجراں لکھا۔

اے مرے دل! اسے اب رب کے حوالے کر دے،
جو نہیں ہو سکی اپنی، اسے خوش رہنے دے،
محبت صرف اسے پانے کا نام تو نہیں،
کبھی محبوب کی خوشیوں پہ بھی مرنے دے۔

آج کربِ دل نے طوفان کی صورت لی ہے،
آج خاموشی نے اک نوحۂ الفت لکھا ہے،
جو کبھی دل میں فقط ایک تمنا تھی حبیبی،
آج وہ خواہش بھی تقدیر کے آگے ہاری ہے۔

حبیبیؔ! اب نہ کسی سے کوئی شکوہ کرنا،
جو لکھا رب نے، اسے صبر سے اپنا کہنا،
کچھ محبتیں فقط دل میں عبادت بن کر،
زندگی بھر کے لیے دل میں اتر جاتی ہیں۔