A vita senz' ammore

’A VITA SENZA AMMORE





Me sceto ’a matina, ’a casa è zitta, ’o sole s’affaccia, ma nun trase
’o cafè s’arrefredda dint’ ’a tazza,
e ’a seggia vicino a me è sempe vacante.

Tengo ’na malincunia ca nun sape cumpagnia, ’nu foglio bianco dint’ ’o tiretto, e ’na jurnata ca passa senza na ragione,
comme ’na nave senza porto né viento.



E cammino, cammino, ma nun vaco a nisciuna parte, ogni passo se porta appriesso nu silenzio ca nun se leva a cuollo.



Comme se campa senza ammore, senza ’na mano ca te cerca ’a sera, senza nu core amante dint’ a vita ca te fa luce quanno ’a notte è scura?

Comme se campa senza ammore, cu ’na parola ca nun trova a nisciuno, si pure ’o munno te dà mille cose, ma nun ce sta nisciuno cu cui spartì sti ccose ?



’A primavera passa pe’ ’e viche, culora ’e sciure, ma io nun ’e veco, ’e nnammurate se scambiano ’e vase,
io conto ’e scuse ncopp’ ’o balcone.

E quanno ’a notte se stenne ’ncopp’ ’e ccase sento ’o core ca fa rummore, nu battito è caduto dint’ ’o l' anema, comma ’na goccia caruta rint' o mare e se sperduta



E cammino, cammino, cu ’e mmane dint’ ’e sacche, comme a chi aspetta a ’na stazione addò nun passano cchiù trene.



Comme se campa senza ammore, senza ’na mano ca te cerca ’a sera, senza nu core amante dint’ a vita ca te fa luce quanno ’a notte è scura?

Comme se campa senza ammore, cu ’na parola ca nun trova a nisciuno, si pure ’o munno te dà mille cose, ma nun ce sta nisciuno cu cui spartì sti ccose ?



E forse ’o peggio nun è sta’ sulo, ma avé nu bene e nun sapé a chi o dà, tené ’n'ammore chiuso dint’ ’o core e nun truvà
nu nomme pe’ chiamma’ ammòr

È comme ’na tavula apparecchiata pe’ nu Natale ca nun vene maje, cu ’nu bicchiere ca aspetta ’nu brindisi e ’o tiempo ca s’asseta e aspetta.



Comme se campa senza ammore, dimme chi ’o sape, dimmello tu, quanno te manca pure ’na parola doce e ’o cielo pare sempe
chine e nuvole

Comme se campa senza ammore, si ’o core spera, ma nun sa pecché, forse ’a risposta nun vene stanotte, forse sta ’int’ ’nu suonne ca nun fernesce maje.



Me sceto ’a matina… ’a casa è zitta…
’o cafè è friddo… e ’a vita...
chianu chianu passa

E dint’ ’o specchio, sott’ ’e ll’uocchie stanche, ce sta ancora nu core ca nun s’è arrenne ancora

Isso pure senza ammore…
nun ha fernuto ’e aspettà
vene o Nun vene
isso stá semp llâ