بلادي

أرض بلادي نعّرفك يا حايـــرْ
بلاد المكارم و التاريخ كبيـــرْ

وين فيها نسوم الخير مطايرْ
يسقيها ربي خيرها من خيـــر

تهل بشاير يفرحو ب "يــــنايرْ "
عيد الفلاح في موسم تيسيرْ

بلاد النجوع " صحراء" و عشايرْ
أرض البراري ،" حزازي" و " بعيرْ"🐪🐫

زرعو من تراب مناخها الثاير
خرج من صّم صخرها نوافير 💧

أدرار و بشار تمنغاست سايــرْ
طرزو في قماش الثوب " القزنيرْ "

"شعر الملحو"ن و الفارس دايـــرْ
بلاد الغرب و الإرث " غـــــزيـــرْ "

أرض الوليا و الصالحين كبايرْ
"سيدي لخضر" مقامو تڨــــديــر

أصل الشرق معروف دوايــرْ
صنعو النحاس و نسجو ڨداويرْ

عروس الزيبان " بسكرة " لقناطرْ
جادت ب دڨلة نور في تشهير

أرض الوسط النازلات آخاير
ربطو شمال ب جنوب لكبيرْ

لبسو " البرنوس " و علڨوه ضفايرْ
نسجو من خيار الصوف : حريـرْ

وقت العيد خارجين عمايــرْ
حفظو المناسك قدسو التكبيرْ

سهوب المراعي واسعات بحايرْ
وقت الربيع 🌸 مزخرفة نواويرْ

"صابة "الڨمح " و الفريك صرايرْ
عز البوادي في الصابة كثــير

لاح الفجر و خرجوا الحرايــرْ
حصدو عبو الغراير و البــيـــرْ

بيوت النزالي عامرات ذخايرْ
معبية المخالي وافية مقاديرْ

ملڨى الضيوف و العابر زايرْ
صيتنا مشهور في بادية و الدير

مازلت نحب تشـــــوف أمايرْ
نسخف نرجع منين كنت "صغير "

ندرس نجٌر ندورها في نوادرْ
نصٌفى الطرحة قسوال شعيرْ

نعبي الغمر نحٌطو في شكايــرْ
وقت اللزوم العولة " المطاميرْ "

مازال الخير يصّب صٌب مطايرْ
ربي في حكمو مكاتيب تسيـــرْ

مازلت " نشرب الحليب نخايرْ
نوكل الدهان و الزبدة قـــطاريرْ

وقت نفرح كي نشوف " بحايرْ"
كاسية جبة خضراء وقت بريــرْ

هذي ارض بلادي اسمها الجزاير 🇩🇿
شرق و غرب و الجنوب كبيـــرْ

دور شوف العالم واش تخايرْ؟؟؟
تلڨاش كيفها في الأوطان تحيرْ ؟؟

يا رب أحيي أرضنا بالدايـــرْ 🤲
زيد أرضها خير فوڨ الخيـــرْ

إجعل ولادها كي الفرڨ الطايرْ
يردو السليبة كبار عند الغيـــــرْ
و قيتارات دنماركية و افروبيتس افريقي